Өнөө үеийн амжилттай карьер нь цаг хугацаагаа зөв зохион байгуулахгүйгээр боломжгүй юм. Манай зөвлөмжүүд танд энэ бүхнийг цагтаа амжуулахад тусална.
1. Ажил хоорондоо шилжиж сурах нь тархиа амраахад тустай.
5 минутын завсарлага ямар нэг том өөрчлөлт авчрахгүй ч ядаргааг багасгаж, ажлын өдрийн төгсгөлд эрч хүчээ хадгалахад тусална. Өөр төрлийн ажлуудыг ээлжлүүлэн хийж хэвшээрэй.
2. Цаг хугацаа, мөнгийг төлөвлөөгүй тохиолдолд алга болдог.
Үгийг санаж, ой тогтоолд найдах хэрэггүй, өдрийн тэмдэглэл ашигла. Асуудлуудын ач холбогдлыг эрэмбэлж, бодитой хугацаа тогтоо. Өдрийг хамгийн хүнд, төвөгтэй ажлуудаасаа эхлүүлбэл үлдсэн цаг хугацаа илүү таатай өнгөрнө. Зорилт тавихаас гадна зорилго тавьж, тэдгээрийг бичиж тэмдэглэ. Үйл ажиллагаагаа тэмдэглэж хэвшвэл бүтээмж 25 хувиар өсдөг гэдэг. Энэ бол өдрийн тэмдэглэлийн сурталчилгаа биш, харин өөрийн цагийг үнэлдэг мэргэжлийн хүний зайлшгүй хэрэгсэл юм.
3. Заримдаа амралтын өдрөөр ажиллах нь ашигтай байдаг.
Амралтын дараа эсвэл чухал төсөл хүлээлгэн өгөхийн өмнө ажлын өдөр бус амралтын өдөр оффист ирж хоёрхон цаг ажиллавал стрессээс сэргийлж, ажлаа эмхэлж чадна. Тайван орчинд төвлөрч, шинэ долоо хоногийг дуусгаагүй ажлын овоолгогүйгээр эхлүүлэх боломжтой.
4. “Үгүй” гэж хэлж сурах.
Хийснээр цалинждаг бол хүчээр олон ажил авах хэрэггүй. Өөрийн боломж, нөөцөө зөв үнэл. Ажлын хэмжээ бага байх тусам хийхдээ илүү сэтгэл хангалуун байдаг. Хэт их ачаалал нь ядаргаа, “шаталт”-д хүргэдэг.
5. Ажлаа зарцуулсан цагаар биш, үр дүнгээр нь үнэл.
Амжилттай хүмүүсийг анзаар. Тэд үнэхээр их ажилладаг ч бүтээмж нь өндөр байдаг.
6. Компьютерийн ширээгээ эмхэл.
Хэрэгтэй файлаа олох гэж хагас цаг зарцуулдаг бол ажил амжихгүй байх нь ойлгомжтой. И-мэйл бичихдээ үргэлж тодорхой гарчиг тавь. Ажлын орчны эмх замбараагүй байдал нь тархины эмх замбараагүй байдал руу хөтөлдөг.
7. Цагийн менежмент бол ирээдүйн карьертаа хийж буй хөрөнгө оруулалт.
Өдөр тутмын ажил, жижиг үүргүүдийг зорилгодоо хүрэх алхам гэж харж сураарай.
8. Өдөр тутмын дэг журам хүүхдүүдэд ч, томчуудад ч хэрэгтэй.
Хангалттай унтаагүй бол төлөвлөсөн ажлаа гүйцэтгэхэд маш хэцүү байдаг.
9. Өөрийгөө урамшуулах зүйлээ мэддэг бай.
Хийсэн ажлуудаа бүгдийг нь тэмдэглэж дуусгасан бол өөрийгөө баярлуулаарай. Спортоор хичээллэх, кино үзэх, эсвэл хаа нэгтээ амрах ч байж болно.
10. Хэт их төлөвлөх нь огт төлөвлөхгүй байхтай адил муу.
Өөрийнхөө нөөцийг бодитоор үнэл. Их зүйл төлөвлөсөн ч амжилттай дуусгах боломжгүй байж болно. Өнгөрсөн жил улирлын тайлангаа долоо хоногт багтаан бэлдэж байсан бол энэ жил бүр илүү хурдан дуусгана гэж найдаад хэрэггүй.
Төгсгөлд нь:
Ажил дээрх тогтмол стрессээс татгалзаарай. Сонголт үргэлж бий: төлөвлөж ажиллах уу, залхуурах уу, бүхнийг хойшлуулах уу гэдэг таны гарт байна. Хэрэв төлөвлөгөөт амьдрал таалагдахгүй бол та өмнөх ачаалалтай амьдралдаа хүссэн үедээ эргэж очиж чадна. Магадгүй та онцгой нөхцөлд буюу богино хугацаанд л хамгийн үр дүнтэй ажилладаг “азтай” хүмүүсийн нэг ч байж мэднэ.
