Олон хүмүүс улаан лооль нь хавдрын эсрэг тэмцдэг байгалийн антиоксидант болохыг мэддэг. Харин саяхан энэ ногооны өөр нэг ашигтай шинж чанарыг илрүүлжээ.
Хүнсний ногоо, жимс жимсгэнэ нь эрүүл мэнд, гоо сайханд эерэг нөлөө үзүүлдэг болохыг олон судалгаа баталсан байдаг. Харин эрдэмтэд саяхан улаан лоолийн нэгэн шинэ шинж чанарыг илрүүлсэн нь уг ногоог хамгийн ашигтайд тооцох үндэслэл болов.
АНУ-ын эрдэмтдийн судалгаагаар улаан лоолинд агуулагддаг зарим бодисууд нь элэг болон тархийг согтууруулах ундааны сөрөг нөлөөнөөс хамгаалдаг болохыг тогтоожээ. Тэдний үзэж байгаагаар, томатны нунтаг нь хамгийн үр дүнтэй нөлөө үзүүлдэг байна.
Энэхүү мэдээллийг баталгаажуулахын тулд судлаачид лабораторийн хархнууд дээр туршилт хийжээ. Хархнуудад согтууруулах ундааны донтох хэмжээнд хүрэх тунгаар архи өгч, мөн улаан лоолийн төрөл бүрийн найрлагыг давхар өгсөн байна.
Туршилтад оролцсон хархнуудыг гурван бүлэгт хуваасан бөгөөд эхний бүлэг нь антиоксидант шинж чанартай ликопин хэрэглэсэн, хоёр дахь бүлэг нь томатны нунтаг идсэн, харин гурав дахь бүлэг нь энгийн улаан лоолийн паста хэрэглэжээ.
Үр дүнгээс харахад, томатны нунтаг хэрэглэсэн хархнууд хамгийн сайн нөлөө үзүүлсэн бөгөөд энэ нь нэг дундаж хэмжээний улаан лоольтой тэнцэх хэмжээний шим тэжээлийг агуулсан байв. Уг найрлага нь хархнуудын эрхтнүүдийг согтууруулах ундааны сөрөг нөлөөнөөс хамгаалсан бөгөөд ийм үр дүн нийт хархнуудын 90%-д илэрсэн байна.
Улаан лоолийн бусад ашигтай шинж чанарт хоол боловсруулалтыг сайжруулах, хорт бодисыг биеэс гадагшлуулах, мөн онцгой найрлагынхаа ачаар хорт хавдрын магадлалыг бууруулах зэрэг багтдаг. Түүнчлэн олон судалгаагаар ликопин агуулсан хүнсийг хоолны дэглэмд оруулснаар түрүү булчирхайн хавдар болон зүрх судасны өвчнөөс сэргийлэх боломжтой болохыг баталсан байдаг.
